Hollandimiut australiamiullu politiivisa ikiaroornartoq, mdma-mik taaneqartartoq, aliguusatut isikkulik 700 kiilu Rotterdamimi arsaarinnissutigaat.Assi: ProjectManhattan [CC BY-SA 3.0 (https://creativecommons.org/licenses/by-sa/3.0)] / KNR Edit

Politiit Hollandimi misissuiffinnik toqqorsimasunik ikiaroornartunillu nassaartut

Nunat tamalaat politeeqarnikkut suleqatigiinneratigut iisartakkat millionilikkaat Australiamukaanneqarnissaat iluatsitsinngitsoorpoq.

Hollandimiut australiamiullu politiivisa ikiaroornartoq, mdma-mik taaneqartartoq, aliguusatut isikkulik 700 kiilu Rotterdamimi arsaarinnissutigaat. Ikiaroornartoq taanna Australiamukariartortinneqaraluarpoq.

Austaliami politiit tallimanngornermi taama paasissutissiipput.

Ikiaroornartoq Hollandimi Rotterdamimi aggustimi arsaarinnissutaavoq taannalu ataatsimoortumik pinerluttoqarneranik misissuisoqalerneranut aallartitsisuulluni.

15 millioninik iisartagaliornissamut atortut

Politiit pinerluttoqarneranik misissuineranni Hollandimi Belgiamilu sumiiffiit 15-it novembarip 15-ianni misissuiffigineqarput. Oqartussat misissuinerminni misissuisarfiit isertortut qassiiusut kemikaaliallu 50 tonsit mdma-mik tassa ecstasymi akuusartumik sananermik atorneqarsinnaasut nassaaraat.

Politiit oqarnerat naapertorlugu kemikaaliat nassaarineqartut mdma-nik iisartakkanik 15 millioninit amerlanerusunik sananissamut naammapput.

Iisartakkat Australiami tuniniarneqarneranni Australiami aningaasat 300 millionit dollarit tassa danskit koruuninngorlugu 1,4 milliardit koruunit isertinneqarsinnaapput.

Australiap iisartakkat eqqunneqassannginnerat qujassutigaa

Ikiaroornartunik arsaarinninnermut suliami inuit 11-t unnerluutigineqarput.

Ikiaroornartuliarinermi tunuliaqutaallutik ingerlatsisuusorineqartut marluk tassaapput hollandimiu 58-inik ukiulik taanna Beligiami tigusarineqarpoq, hollandimiorlu 37-nik ukiulik Hollandimi tigusarineqarluni, taakku Hollandimi eqqartuussaanissartik utaqqivaat.

Aamma arnaq 48-nik ukiulik Sydneymi tigusarineqarpoq, taannalu ikiaroornartunik Australiamut anngiortumik eqqussiniartutut unnerluutigineqarpoq. Taanna eqqartuunneqaruni inuunermi sinnera parnaarussassanngortinneqarsinnaavoq.

- Hollandimiut suleqatigut misissuinermi matumani paasisimasaqarluarnerannik ikiaroornartunillu australiamut eqqussisoqartitsinngitsoornermi ikiuunnerannik qujassuteqarfigerusuppakka, australiap politiivini politikommissæri, Reece Kershaw oqarpoq.

/ritzau/dpa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat