Politiit hiistersut poortukkanik agguaapput
Juullip Inua poortukkanik agguaasuunani politiit hiistersut poortukkanik agguaasuupput.
Iqalunni nunaqarfiillu ilarpassuini pissakilliortut amerlaqaat. Nunatsinni sumiiffinni arlalinni iliuuseqartoqarneratulli, meeqqat nunaqarfinniittut Iqalunniittullu juullisiornerminni tunissutisisinnaanissaat isumagineqarpoq. Taamaalilluni pinngussanik 3.000-inik katersisoqarpoq taakkulu poortugassanngorlugit Iqalunnut nassiuneqarsimallutik.
Canadami politiit hiistersut poortukkanik katersisuupput aamma taakku poortugarsiassat 3.000-iusut kusanartumik poortorsimavaat. Nutaarsiassaqartitsivimmit CBC News-imit oqaatigineqarpoq, politiit ulluni makkunani meeqqanut toqqartorneqareersunut poortujkkanik agguaaleruttortut. Politiit poortukkanik tunioraaffigisaat annerusumik tassaapput, qimarnguiit ornittakkallu allat meeqqanit pissakinnerusunit najorneqarnerusartut.
Taamaattorli juullimi tunissutissat 3.000-it agguaanniarnerat sivisuujuvoq, taamaattumik politiit agguaanertik sapaatip akunnerani matumani naammassiniarsaraat. Taamaakkaluartoq poortukkat nuannaarutaanissaat qularutissaanngilaq.
