Angerlarsimaffinni eqqissiviilliortitsinerit ataasiakkaat eqqaassanngikkaanni sapaatip-akunnerata naanera eqqissisimasimaqisoq, nunatsinni politeeqarfiit ilisimatitsipput.
Qaqortup Kommunea eqqissisimaffiusimavoq, savaateqarfimmili Illorsuarni terianniaq perlerortoq pisarineqarsimasoq, Qaqortumi politiini ittuugallartoq Rene Andersen oqarpoq.
Nuummi pisarnermit eqqissisimanerusimasoq politiit pisortaat Bent Heiselberg oqarpoq.
- Angerlarsimaffinni eqqissiviilliortitsinerit ikiliartornerat maluginiarsimavarput. Sapaatip akunnerata siuliani maluginiaqqaarparput, sapaatillu akunnerani uani aamma taamaalluni, Bent Heiselberg oqarpoq.