Politiit Christianimi suliaqaleruttorput
Politiit Københavnimeersut Christianiami maanna suliaqaleruttorput. Aviisimi Jyllands-Postenimi taama allaaserinnittoqarpoq. Politiit illup allinera maanna piialeruttorpaat, illumut ilaneqarnikoq pineqartoq inatsisit unioqqutillugit sanaajummat.
Allattoq Mads Lynge
- Angutip Christianiami najugaqarnissamut akuersissuteqanngitsup inatsisinik unioqqutitsilluni najugaqarsimanera matumani pineqarpoq, taamaammat inigisaminit anisitaanissaa allaqqunneqarsinnaanngilaq, Carsten Jarlov, Slots- og Ejendomsstyrelsimeersoq Jyllands-Postenimut oqarpoq.
Inuit 40-t 50-illu akornanniittut Refshalevejimi maanna katersuussimapput, politiit iliuuserissaat akerleralugu.