Politiit attartortut qulit anisippaat

Inissianik attartortut inigisaminnut akiliisannginnertik pissutigalugu anisitaasussanngoraangata, pisut suliassamit suliassamut, poltiit akiliisitsiniartartuannit nalilersorneqartarput.

Assigiinngitsunillu pissuteqartunik, attartortut  INI-p anisitassanngorlugit politiinut suliassiissutaanit 116-iusunit, quliinnaat inigisaanit anisinneqarput.

Inissiaatileqatigiiffik A/S INI, inissianik attartortunut allakkanik akileeqqussutinik tusindilikkaanik qaammatit tamarluinnaasa nassiussisarpoq. Inissiaatileqatigiiffiup kisitsisaataasa kingulliit takutippaat, sineriak tamakkerlugu suliat 116-it politiinut januaarimi suliassanngortinneqarsimasut, taakkunanngalu quliinnaat anisitaasut.

Politiit inissianik attortortunik anisitsissagaangamik, uppernarsaatinik pissarseqqaartariaqartarput. Sulianilu ineqarnermut akiliisoqannginneranut tunngasuni, politiit unioqqutitsinermut uppernarsaatinik pissarsinissaat ajornarneq ajorpoq.

Sulianili inimik attartortitsisoq isumaqarpat, attartortoq inissiami nipiliorsimasoq aserorterisimasorlunniit. Taava attartortoq assortuisinnaavoq, taamaalillunilu anisitaasinnaanani.

Taamaattumik suliassani kinguartinneqarsimasuni politiit pisortanut akiligassat suliassamiit suliassamut nalilersortarpaat.

Politiit inissiaatileqatigiiffimmit INI-mit anisitsinissamut tunngasunik allakkanik tigusaqaraangamik, nalinginnaasumik anisitsinissaq ullulerneqartarpoq. Ineqarnermut akiligassap kingusinnerpaamik akilerneqarnissaanut ulluliisarneq, politeeqarfiit immikkoortortaqarfiini assigiinngiiaartarpoq.

Ullormi anisitaaffiusussami, akiligassanik naammassisitsiniaasartoq attartortumut aperisarpoq, utaqqiisaasumik inissinneqarusunnersoq, tamannalu kissaatigippagu, attartortitsisullu inissaq qularnaareerpagu anisitsineq aatsaat pisinnaavoq.

Inissiamik attartortup utaqqiisaasumik inissinneqarfissaa, attartortitsisup qulakkeersimanngippagu, akiligassanik naammassisitsiniaasartup eqqartuussinermut inatsit naapertorlugu anisitsineq pinngitsoortitsissinnaavaa .

Tamannalu inissiaatileqatigiiffiup politiinut suliassanngortitaani 116-iusuni, quliinnaat anisitaasimanerannut peqqutaaqataasut ilagisinnaagaat, politiit immikkoortortaqarfiani kujataani aqutsisoq,  Bent Ole Kleist isumaqarpoq.

- Inatsit taanna aallaavigalugu oqarsinnaavugut: Uagut akuusinnaanngilagut aatsaat utaqqiisaasumik inissaanik pissarsissukkussiuk ilaassaagut, Bent Ole Kleist oqarpoq.

Anisitaasut utaqqiisaasumik inissinneqarfissaannik pissarsissunneqartarneri ajornaquteqanngitsoq, illoqarfimmiilli illoqarfimmut allanngorartoq, inissiaatileqatigiiffimmi INI-mi attaveqarnermut pisortaagallartup, Berit Frydendalip oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat