Politiit ataasinngornermi unnukkut sungiusartut
Politiit upalungaarsimasui Nuummi ataasinngornermi unnukkut sungiusartut, pigaartut pisortaata, Carl Sværdip oqaatigaa.
Politiit upalungaarsimasui politiitut nalinginnaasumik ilinniagaqartuupput, saniatigulli immikkut ittumik aamma ilinniagaqarsimasuullutik, pigaartut pisortaat paasissutissiivoq.
- Sungiusartoqarnera pissutigalugu unnugu nalunaaqutaq qulit tungaanut ikiuigasuariartortut siggartaataat amerlasuut tusaaneqarsinnaassapput, taanna oqarpoq.
Ilungersunartumilli pisoqarsimanngitsoq taassuma erseqqissaatigaa, politiilli upalungaarsimasuisa nalaassinnaasatik ilaat pillugit sungiusarnerarpai.
Pisoq assersuutigalugu tassaasinnaavoq aallaasersorneq, naallu maanna sungiusarneruinnaraluartoq politiit tamanna piviusorpalaartumik suliaqarfigaat, taamaalillutik ullut ilaanni taama nalaataqarnissaminnut piareersimassallutik, Carl Sværd oqarpoq.
