Politiit assaannarminnik allattuipput

Tele Greenlandip kisimi kissaatiginngilaa, aammali Radioaviisimik tusaraarsinnaanngitsut, SMS-inilluunnit nassiussisinnaanngitsut Sikorski 61-p kaptajniata iluarsaassiartorsisussanik ingerlatsisinnaanissaa kissaatigaat. Kujataanissaaq politiit qarasaasiaq atorunnaarlugu assaannarminnik allattuinertik ingerlappaat, suleriaasertillu marloqiusanngorlugu ingerlakkitik Nanortalimmi politeeqarfiup pisortaata Poul Petersenip ilisimatitsissutigaa. Ulluinnarni qarasaasiaq sulinermi atorneqartartoq atorsinnaajunnaaqqavoq, taamaammallu nalunaarsuutitik pisarnermit arriinnarnerugaluartoq assaannarminnik allattoritik oqarpoq. Mobiltelefoni pigaartup pinngitsoorsinnaanngisaa atorsinnaanngimmat politiit pigaartuutillutik angerlarsimaffimminnut saaffiginnittut innersuuttariaqartarsimavaat. taamaattoqartariaqarnera nammineq pisortatut iluarinngikkaluarpaa, pissutsilli taamaanneri allatut politiinut ilaqutaasut taamatut misigisaqartariaqarnerat ajuusaarutigaa, neriuutigaalu tamanna piaartumik qaangerneqassasoq. Aamma oqarpoq illoqarfimmi politiit nalinginnaasumik takussaanerulersimanerat innuttaasut malugisimassagaat. Pissutsit taamaakkallarnerat nammineq qanoq iliuuseqarfigisinnaannginnerarpaat, piaartumilli ajornartorsiutip iluarsiiffigineqarnissaa neriuutiginerarpaa. Aamma Paamiuni Narsamilu attaveqartoqarsinnaanngitsoq ilisimagini Nanortalimmi politeeqarfiup pisortaa Poul Petersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat