Politiit: Arneriffigineqarsimaneragaaneq pissutissaqanngilaq

Nuummi Politiit arnap angummit pinngitsaalisaalluni arneriffigineqarsimagaanera, Qinngutsinni inissiat ilaanni fiisternermi tallimanngornerup arfininngornerullu akornanni pisimanerarneqartoq, tunngavigalugu politiit paasiniaasimanertik naammassivaat.
Allattoq Najaaraq Egede
aggustip 31-at 2010 11:59

Arnaq 21-nik ukiulik arfininngormat nalunaaqutaq qulinut politiinut saaffiginnippoq, oqarluni inissiami piginnittumit, angummit 39-nik ukiulimmit pinngitsaalisaalluni arneriffigineqarsimalluni.

KNR-imi ippassaq oqaluttuaraarput politiit uppernarsaasinnaallutik paasiniaaleruttortut.

Angut nalunaarutiginninnerup kinguninnguali tigummigallagaasoq nassuiaasimavoq, arnaq piumammat atoqatigisimallugu.

Politiit misissuereernerminni paasisatik tunngavigalugit, suliap pinngitsaaliinertut suliarinissaa pissutissaqanngitsoq nalilerpaat.

Suliaq taamaanga killeqartillugu politiit unitsissaneraat imaluunniit arnaq pissutissaqanngitsumik angummik unnerluussassanngortitsisimasoq eqqartuussisunut ingerlateqqissanerlugu, suli politiit aalajangiiffiginngikkaat, Nuummi politeeqarfimmit Niels Nyvang oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq