Politiit: Aqqusinertigut sianigalutit angalagit
Nuuk sapaatip akunnerat naammat apivoq, nunalu qaqqorissunngorpoq. Aqqusernillu quasassinnaammata aqqusinerni angallattut sissuertussanngoqqapput.
Allattoq Camilla Dam
- Biilertut tamarmik sukkavallaarnatik sissuerlutillu ingerlaarnissaat, politiit kaammattuutigaat.
- Biilit tamarmik ukiorsiutinik assakaasulersimanissaat pingaarluinnaqqissaarpoq, politiit tusagassiuutinut nalunaarummini allapput.
Aqquserngit quasaqisut ajutoorfigineqareersimapput, taakkunanngali amerlanerpaat atortui kisimik innarlerneqarlutik.
Pisuinnaat aamma sissuissapput, aqquserngit quasammata biilit takinerusumik uninniartarlutik. Tamanna aamma pisuinnaat ikaalerneranni atuuppoq.