Politiit annanniut piginnittussarsioraat

Angallatip savalimmiuneersup Ilulissat umiarsualivianut isaaffiup eqqaani annanniut siaangasoq ataasinngornermi novembarip ulluisa 21-anni ullaap tungaani nalunaaqutaq aqqanermut qiteqquttoq nassaarisimavaa politiinullu ingerlateqqissimallugu.

Annanniummut taassunga tunngassuteqarsinnaasumik politiit suliaqannginnamik paaserusuppaat annanniut kia pigineraa suminngaanneernersorlu.

Annanniut taanna”Viking”-imik meqqeqarpoq, inunnut sisamanut inissaqarluni. annanniutip serienormoraa: H101188.
Annanniut 1989-imi pisiarineqarsimasoq kingullermillu septembarip 25-ani 2010-mi Nunatsinni ISS-imi misissoqqissaarneqarsimasoq politiit Facebookiminni ilisimatitsipput. 

Annanniut taama ittoq naliginnaasumik angallatini mikinerusuni aquuteralannilu piareersimasuutigineqartartoq aamma ilisimatitsissutigaat.

Annanniut pineqartoq pillugu ilisimasaqarsinnaasut Qaasuitsumi politiit oqarasuaataanut 70 14 22-imut saaffiginneqquneqarput.