Inuk toqungasoq takornarianit pisuttunit Saqqamiit kangimut sissami 3 kilometeritut ungasitsigisumi siumorneqarpoq.

Politiit: Angut ujaarineqartoq toqungasoq nassaarineqartoq

Inuk toqungasoq takornarianit pisuttunit Saqqamiit kangimut sissami 3 kilometeritut ungsaitsigisumi siumorneqarpoq. Inuup timaa tassaasoq ujaarineqartoq Finn Looqi Lange, toqusumik misissuinerup kingorna takutippaa.

Angut inuusuttoq Saqqap eqqaani Qeqertameersoq ujaarineqartoq toqungasoq nassaarineqarpoq. Nassaarineqartoq tassaavoq 21-nik ukiulik Finn Looqi Lange, siorna 2020-mi oktobarip qaammataani periarfeerunneqartoq.

Kalaallit Nunaanni Politiit tusagassiutinut taama nalunaaruteqarput.

AAMMA ATUARUK Angut inuusuttoq Saqqami ujaarineqartoq: Aallarami takuneqanngitsoq

Inuk toqungasoq takornarianit pisuttunit Saqqamiit kangimut sissami 3 kilometeritut ungasitsigisumi siumorneqarsimasoq, Ilulissani politiit pingasunngornermi juulip ulluisa 14-ianni ullaap tungaani nalunaaqutaq marlunut qiteqqunneranni kalerrineqarput.

Inuup timaa tassaasoq ujaarineqartoq Finn Looqi Lange, toqusumik misissuinerup kingorna takutippaa. Pinerluttoqarsimaneranik takussutissaqanngitsoq politiit nalunaarutigaat.

AAMMA ATUARUK Saqqap eqqaani ujaasineq unitsinneqarpoq

Finn Looqi Lange kingullermik siorna oktobarip ulluisa 13-ianni marlunngornermi unnukkut takuneqarpoq. Takunnittut naapertorlugit umiatsiamik Saqqamiit aallarmalli takuneqaqqinngilaq.

Toqusup qanigisai ullumi ilisimatinneqareersut ilisimatitsissutigineqarpoq, politiillu ujaasinermut atatillugu saaffiginnittunut tamanut qujapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat