Video: Politiit angallataannik Sisak II-mik angalaqataaneq takuuk
- Nuannernerpaasarpoq ujaasinikuulluni ujakkat ajunngitsut nassaaralugit, politiit angallataanni Sisak II-mi naalagaq Svend Kreutzmann oqarpoq. Politiit nunatsinni angallataasa sisamaasut ilaanni KNR-imit oqaloqatigineqarpoq.
Allattoq Kathrine Kruse
Politiit angallataat Sisak II sisamanngormat allaanerulaartumik suliaqarpoq. Nunaqarfinni Saqqami Qeqertarmilu innuttaasunik ataatsimiititsinissamut atatillugu angallassivoq.
Angallanneqartut tassaapput naalakkersuisoq Erik Jensen, Avannaata Kommuniani borgmesteri, Palle Jeremiassen politimestereqarfimmeersorlu ataaseq.
KNR angalaqataavoq. Sisak II-mi naalakkap, Svend Kreutzmannip, oqaloqatigineqarnera ilanngutassiami qulaaniittumi takuuk.