Politiit: 1000 koruunit peqquserluusiat Nuummi ingerlaarput
Politiit aningaasat peqquserluusiat 1000 koruunit tallimat inunnit marlunnit maannamut arsaarinnissutigaat.
Taamaammat politiit inuit 1000 koruunimik tigummiaqartut misissuilluaqquaat. Pappialat peqquserluusiat ilisariuminarput, pappialammik naqqani talerpiata tungaani qorsummik leftovercurrency.com-imik allaqqasoqarpoq.
Allattoq Christine Hyldal
februaarip 06-at 2020 14:57
Nuummi najugaqaruit 1000 koruunimillu kaarsarfimmioqarlutit misissorlualaassavat.
Aningaasammi peqquserluusiat maanna ingerlaarput.
Politiit pappialat 1000 koruunit tallimat peqquserluusiat inunnit marlunnit maannamut arsaarinnissutigaat. Politiit inummit 1000 koruunimik peqquserluusiamik kingullermik ippassaq pingasunngornermi arsaarinnissutigineqarput.
Taamaammat politiit inuit 1000 koruunimik tigummiaqartut misissuilluaqquaat. Pappialat peqquserluusiat ilisariuminarput, pappialammik naqqani talerpiata tungaani qorsummik leftovercurrency.com-imik allaqqasoqarpoq.
Aningaasanik peqquserluusianik takuguit Nuummi Politiinut oqarasuaammut 701448-imut erngertumik sianissaatit.
