Politiinspektøri tillissorisaasoq
Naalagaaffiup politiivi qanittukkut Nuummiipput suliaq Politiinspektørimut tunngasoq misissuiffigiartorlugu, tamanna Sermitsiami ullumi saqqummersumi allaaserineqarpoq.
Tamatumunngalu tunuliaqutaavoq politiinspektørip pinerluttulerinermi inatsit paragraf 72 tillinnermut tunngasoq unioqqutissimagaa pasitsaanneqarmat.
Sermitsiallu allaaserisaa naapertorlugu politimesterip Steen Thomsenip nalunaarutigisimavaa, sulisoq qanimut suleqatigigamiuk nammineq akuliutinnginnissani ilimagigini.
- Suliassanut qaninnertut suleqatigisannut tunngasunut, tassalu politimestereqarfimmi suleqatinnut tunngasunut, uanga tunngaviatigut attuumassuteqarpallaartutut isigineqassagama, Steen Thomsen oqarpoq.
Suliaq naalagaaffiup unnerluussisuata Lise Willerip maanna suliaraa, oqaaseqarumanngikkallarporli:
- Tamanna uppernarsarumanaguluunniit ilumuunnginnerarumanngilara, Lise Willer oqarpoq.
