Politiinngorusuttut amerlipput

Politiinngorniarnissamut qinnuteqarniaraanni ulloq killissarititaq unnuaq unnuaqeqqanut killeqarpoq. Aviisitigut, tv-kkut, nittartakkatigullu soorlu Facebookikkut, Kalaallit Nunaanni ukioq manna nittarsaassisoqarpoq.

Taamatullu nittarsaassisoqarnera iluaqutaasimagunarpoq. Politiinngorusullutimmi qinnuteqartut ukioq manna 50-iusimapput, siorna 35-usut.

Qinnuteqartut maanna misilitsissapput, aatsaallu angusereerunik politiinngorniarnissaq pillugu ilinniarnermik aallartitsisinnaallutik.

Politiitut sulineq ilaatigut sakkortusinnaasarpoq, assersuutigalugu freernerup nalaani suliartoqqusaasoqarsinnaalluni. Politiitut atorfillit atatiinnarnissaat taamaammat ukiorpassuarni ajornartorsiutaasarsimavoq.

- Pissutsit eqqumiiginarsinnaapput, politiinimmi Kalaallit Nunaanni amigaateqartoqartoq, Inatsiseqarnermut ministereqarfiup naalagaaffiullu politiivisa qangalili tamanna ilisimavaat, politiissarsiornerli Kalaallit Nunaanni ajornartorsiutaasoq aamma ilisimaneqarluni, politimesteri Bjørn Bay oqarpoq.

Qinnuteqarsimasut juullertinnagu imaluunniit ukiortaariitsiarpat misilitsikkumaartut, Kalaallit Nunaanni politiinngorniarfimmi aqutsisup Frederik Lundbladip oqaatigaa.