Politiit sapaatit akunnerata naanerani aggersarneqaqattaartut
Politiit biiliisa nilliatitsissutaat sapaatit akunnerata naanerani tusarsaasaqattaarput.
- Inuit aalakoormata aggersaasoqallattaarpoq, Kalaallit Nunaata Politiivineersoq, Brian Thomsen oqarpoq.
Sapaatit akunnerata naanerani pisut ilaat suli misissuiffigineqassasut, taakkunanilu ilaatigut peqqarniitsumik nakuusernerit marluk pineqartut, Brian Thomsenip paasissutissiissutigaa.
Narsami Aasiannilu nakuusertoqarsimavoq.
- Suli paasiniaasoqartussaammat suliaq pillugu maannakkut oqaaseqarnerusinnaanngilanga, Brian Thomsen oqarpoq.
Nuummi qulliup napasua biilinit uppitinneqartoq
Nuummi politiit biilinik ajutoorfimmut sapaatiummat ullaakkut arfineq marluk qeqqanut apuupput. Biilit qulliup napasua aporlugu uppiteriarlugu qaarsumut aporsimavoq.
- Sakkortorpasissinnaavoq. Kisianni ajutoornermi ajoquserujussuartoqanngilaq, Brian Thomsen oqarpoq.
Angut ataaseq Fiskerbyp kaajallattariaani ajutoornermut atatillugu imigassartorsimalluni biilertutut tigusaavoq.