Politi: Hashi politiit qimmiisa sungiusarneqartarnerannut atorneqartartut nakkutigilluarneqalerput

Ikiaroornartut hashit politiit qimmiisa sungiusartarnerannut atorneqartartut maanna nakkutigilluarneqalerput. Taama oqarpoq Kalaallit Nunaanni politimesteri Bjørn Tegner Bay.

Nakkutigillualerneqarnerannut politimestereqarfimmit  nalunaaruteqarneq pivoq siornatigut politiit qimmiinik aqutsisuusarsimasup maannalu inatsisartuni Partii Naleraq sinnerlugu inatsisartuni ilaasortap Anthon Frederiksenip  ikiaroornartoq hashi politiit qiimmiata sungiusarneqarneranut atorneqartoq politiini sulinngiffeqalernermini politiinut utertinngisoormagu.

 

 - Uani pisimasup assinganik pisoqaqqinnginnissaa naatsorsuutigaarput, Kalaallit Nunaanni politimesteri Bjørn Tegner Bay oqarpoq.

- Uani pismasoq maanna eqqartugarput ullumikkut pisinnaasussaanngilaq.
tamannalu pinavianngilaq maannakkut politiit qimmiinik aqutsisut kikkuuneri allattorsimasuutigatsigit  aamma kikkut aamma qannga  ikiaroornartumik hashimik tunineqarsimanersut mappemi allattorsimapput, Bjørn Tegner Bay oqarpoq.

 

Aamma atuaruk  Naalakkersuisoq qimmini sungiusarniarlugu hashimik toqqorsisimavoq

     Aamma ikioroornartoq hashi sorleq kiap tigummineraa takusinnaavarput,  taamaattumik qimminik sungiusaasartoq suliunnaassagaluarpat  hashilu tigumiaa   utertinneqasimanngippat takusinnaalerparput, Bjørn Tegner Bay oqarpoq.
Bjørn Tegner Bay politiitut atorfinippoq, Anthon Frederiksen politiitut sulinngiffeqalernerata kingorna.
Taamaattumik Bjørn Tegner Bayip malittarissassat Anthon Frederiksenip politiitut atorfeqarnerata nalaani qanoq ittuneri  ilisimanngilai  
Anthon Frederiksenip politiitut  suliunnaarnerata kingorna malittarisassat arlaqartut allanngorput.

- Politiit qimmiinik aqutsisoq politiitut sulinermini soraarpat  pisarneq malillugu  utertinissamut  periutsit ilaattut mappeliortoqarpoq  tassani allattorsimavoq hash sungiussaatigalugu atorneqartussaq qanoq annertutigisoq  assersuutigalu 52 grammi qimminik sungiusaasartup tigusimaneraa allassimavoq taassumalu soraaruni  utertittussaavaa, Bjørn Tegner Bay oqarpoq.

Aamma atuaruk politiit: Anthon ilumoorpoq

 

Hashi sungiussaatigalugu atorneqartussatut tigummineqartoq utertinneqarpat, tamanna nakkutigilluaqqissaarneqartarpoq ,  hashi qanoq annertugisoq pineqarnersoq nakkutigalugu.

Haship utertinneqarnerani ikinnerpaamik sulisut marluk nakkutilliisutut najuuttarput.  

Politiit qimmiinik aqutsisartut sungiusaatigalugu hashinik tigumiaqartartut ullumikkut privaatimik angerlarsimaffinniitaqanngisaannarput.

- Politiit qimmii sungiusarneqaleraangata ikiaroornartoq hashi politeeqarfimmut aaneqartarpoq. Sungiusarnerlu naammassigaangat ikiaroornartoq hash politeeqarfimmut utertinneqartarluni tassanilu toqqorsivimmut parnaaqqasumut inissinneqartarluni, Bjørn Tegner Bay oqarpoq.

tamannalu patsisissaqarluarpoq.

- ikiaroornartoq hash privatimik angerlarsimaffimmiitikkaanni taava  tillinniartoqarpat assigisaannilluunniit  pisoqarpat tammarsinnaavoq tamannarpiarlu pinaveersaarniarlugu politeeqarfinnut utertinneqartarpoq,  Bjørn Tegner Bay oqarpoq.

Mianersornissamut patsisissaqarluarpoq, tassami  ikiaroornartoq hash qimminik sungiusaasartut sungiusalerneranni tunniunneqartartoq angisoorujussuusinnaasarpoq.

- ikiaroornartoq hashi mikisualukkuutaarlugu qimminit sungiusaatigalugu  naamatinneqartarnera ajunngivittparpoq

- Piffissap ilaani angiisorujussuit sungiusaatitut atorneqartariaqartarput.

Nalinginnaasumik hash 10 aamma 100 gramisut oqimaatsigisut sungisarnermi atorneqartarput, Kalaallit Nunaani politimesteri Bjørn Tegner Bay oqarpoq.

Hashi politiit qimmiisa sungiusarneqartarnerannut atorneqartartoq,  unioqqutitsillutik hashiuteqartut politiinit assaarinissutaannit pisuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat