Politeeq toqutaasoq eqqaaniarneqarpoq
Danmarkimi Albertslundimi politeeq aallaaneqarnermi kingorna pingasunngornermi toqusoq, Jesper Jul, Solrødip timersortarfiani ullumi eqqaaniarneqarmat inuit hundredelikkaat peqataapput.
Politeeq 43-nik ukiulik niaqqumigut aallaaneqarpoq marlunngornermi ullaakkut pingasunngornermilu toqulluni.
Politeeq qimmilisaartartoq, Albertslundip politeeqarfiata silataani aallaaneqarpoq.
AAMMA ATUARUK Politeeq niaqqumigut aallaaneqartoq toquvoq
DR-ip nutaarsiassaqartitsiviani tusagassiortoq Sabrine Bojsen Møller oqaluttuarpoq, Solrødip timersortarfianut takkuttut amerlanersaasa Jesper Jul, Solrødimi karatertartut klubbianni Tatakaumi ilaasortaaneratigut ilasarisimagaat.
- Inuit takkuttut attortissimasorujussuupput, kisianni aamma nersorinninniarnerupput.
Jesper Julip nuannarisai malinniarneqarput. Eqqaaniaaneq nuannersumik ingerlanneqarpoq, Jesper Julip soqutigisai nuannarisaalu oqaatsit issuarneqarput, Sabrina Bojsen Møller oqarpoq.
Jepser Jul naalagaaffiup aaqqissugaanik Roskildep oqaluffissaarsuanit Roskilde Domkirkemit ilisaassaaq.
Ilisaanerani ilaqutaasut qanigisaasullu kisimik peqataassasut politiit nalunaarput.