Politeeq arnaq kiinnamigut kilerneqartoq
Arnap 26-nik ukiullip politeeq arnaq ataasinngormat saassuppaa, marrarmillu sanaamik aseqqukumik kiinaatigut kilerlugu. Arnaq paaqqinniffiit ilaanni eqqissiviilliortitsisoq politiinit aaneqarnermini taamaasiortoq, Nuummi politiit ilisimatitsipput.
januaarip 13-at 2010 16:02
Arnap politiinit napparsimmavimmut ingerlanneqartilluni, politeeq arnaq saassuppaa.
- Politiit inuiaqatigiinnut sullissinermik nalaanni nakuuserfigineqartarnerat allatulluunniit sulitillutik ajortuliorfigineqartarnerat akuerineqarsinnaanngilluinnarpoq, Janus Eigaard Nuummi politiineersoq oqarpoq.
Politeeq arnaq nakorsamit passunneqareerluni maanna napparsimalluni sulinngikkallarpoq. Arnaq 26-nik ukiulik sapaatip akunnerini sisamani tigummigallagaavoq.
