Polenimiut aalakoortut niutitaasut
Polenimiut sulisartut 29-t, ilaasortaammut ‘Norrøna’mut ilaallutik Savalimmiunit angerlariartortut, angerlamut aqqutertik qiterpaaginnarlugu – Norgimi Bergenimut niuneqartariaqarsimapput, tassa aalakoorpallaarlutik eqqissiviilliulernerat pissutigalugu.
Allattoq Elisa Isaksen
Angutit sulisartut taakku Danmarkikkoorlutik Polenimut angerlariartorput.
Ilaasortaatip Norrønap naalagaata Torshavnimiit Hanstholmimut ingerlaarnermini Bergenimut aqqusaarsisartup, ilaasumi nipilioqisut oqaluussassaanngitsullu Norgimut niunissaat aalajangiussimavaa. Ilaasortaat Norrøna Bergenimut tikimmat politiit Polenimiunik isumaginnittussat talittarfimmi piareeqqasimapput.
Angutit tallimanngornermi unnukkut busserlutik angerlamut aallarput.