Polenimi RG-ip tunisassiorfissaa kinguaattoorpoq

Polenimi Koszalin-imi Royal Greenlandip fabrikkissaata iluarsartuunneqarnissaanut pilersaarutit kinguaattorput. Royal Greenlandimi pilersaarutit naapertorlugit Koszalinimi fabrikki septembarimi tunisassassiulereersimasussaagaluarpoq.

Keld Askær-ip Royal Greenlandip pisortaanerata uppernarsarpaa, akuersissutit pisariaqartut naammassineqarsimanngimmata, iluarsartuussinissamut pilersaarutit kinguaattoortut. Pisortaanerulli oqaaseqarfiginianngilaa Polenimi pisortat akuersisussat paamaarpallaarsimanersut, neriupporli ukioq naanngitsoq fabrikki tunisassiulersinnaassasoq.

Polenimi aallartitap Flemming Duus Mathiessenip erseqqissarpaa Royal Greenlandip aningaasaliinissamut pilersaarutai isornartoqanngitsut, suliniarnermilu arlaatigut kukkuluttuuteqarsimanngitsut.

Royal Greenland pissuserilluni sulisimavoq kinguaattoornerlu Polenimi atorfillit kisimik akisussaaffigaat, Flemming Duus Mathiessen Warszawamiit nassuiaavoq.