Polenimi inatisartut tunuarput qinersinissarlu nalunaarutigineqarpoq

Allattoq Jaaku Lyberth
septembarip 07-at 2007 10:53

Polenimi inatsisartut ullumikkut tunuarput qinersinissarlu nalunaarutigineqarluni.

Polenimi naalakkersuinikkut aalassassimaarnerup sivisuup kingorna qinersinissaq nalunaarutigineqarpoq.

Peqquserluttuliornerit tunngavippiaa aasarmanna aallartippoq. Nunalerinermut naalakersuisup perulluttuliorsimanera misissorlugu aallartinniarneqarpoq. Taannali pasitsassimavoq kiallu tamanna aallartissimaneraa paasiniarneqarsimagaluarluni.

Tamatuma kingunerivaa siornatigut naalagaaffimmi pissutsinut ministerip politiinit tigusarineqarneranik ullullu marluk tigummineqarneranik. Tamana ersittumik perulluliornermik kanngunartuliaavoq.

Polenimi naalakkersuisut sivisuumik ingerlanerkorput. Naalakkersuisooqatigiit nationalkonservativinit Jaroslaw Katzynske-mit naalakkersuisut siulittaasuutitaqartut partiinillu marlunnik mikinerusunik naalakkersuisoqataaffigineqartut qaammammi kingullermi naalakkersuisoqataanermit peersinneqarput, tamatumalu kingorna ikinnerussuteqarlutik naalakkersuisut ingerlaqqissimagaluarput .

Polen-imi qinersisartut isumasiorneqartarnerat ullormiit ullormut allanngortarput. Partiilu BO ajugaanissaa ilimagineqarpoq. Polenmiorpassuit naalakkersueriaatsip kommunismip nakkaannerata kingorna isumalluarsimagaluarlutik, pakatsipput amerlasuullu qinersineq ajorput.