Ritzau Nunanit allanit

Polenimi borgmesteri saassunneqartoq toqusoq

Polenimi Gdanskimi borgmesteri, Pawel Adamowicz sapaammi tusaarnaartitsisoqarnerani scenemi oqalugiartilluni sakkumik inngigissumik saassunneqarnermi kingorna toquvoq. Polenimi peqqinnissamut ministereqarfik taama nalunaaruteqartoq, AP allaaserisaqarpoq.

Allattoq Ritzau

januaarip 14-at 2019 12:27

Nutserisoq Bikki P. Kleist

Gdanskemi katersuiniarluni tusarnaartitsisoqarnerani angut saasussisoq, 27-nik ukiulik politiinit tigusarineqarpoq.

Polenimi tusagassiorfiit naapertorlugit angut saassussisoq suaartarsimavoq, pisussuteqarani parnaarussaassimalluni, borgmesterillu parteerisimasaa, borgernes Platform pisuusoq.

AAMMA ATUARUK Polenimi borgmesteri savilersorfigineqarnermi kingorna peruluttoq

Borgmesteri angummit kapineqareersorlu piaartumik napparsimmaviliaanneqarpoq, nakorsallu kingorna uummarsarsinnaasimavaat - nakorsallu oqarnerat naapertorlugu perulussimavoq, nal. 12.00 sioqqullugu toqusimasoq DR.DK allaaserisaqarpoq.

Borgmesteri politikkimi nutaaliortutut isigineqartarpoq, inuillu suiaaqatiminoortartut illersugaralugit minnerunngitsumillu ikinnerussuteqartunut akuersaartuulluni.

Polenimi borgmesteri saassunneqartoq toqusoq

Aamma atuaruk