Polen qaatartunut illersuusiornissamut atsioqataavoq
Washingtonimiit pilersaarutaavoq rakitsit qulit ikkunneqassasut taakkulu rakitsinik nunanit killerneersunit nakkartitsisinnaasussaapput taamatuttaaq radareqarfik Tjekkiamiittoq toqqisinnaasussaallugu. Qaartartunut illersuusiat Polenimi ikkussorneqartussat 2011-mi 2013-milu ikkussorneqassapput taakku qaartartunut illersuutinut massakkut ikkusimareersunut tassa USA-miittumut kiisalu Kalaallit Nunaaniittumut aammalu Tuluit Nunaanniittumut atasuussasut erseqqissaatigineqarpoq.
Ikkussuinissamik isumaqatigiissut tamanna Moskvamiunut pissanganermik pilersitsivoq. Russimmi oqarput, qaartartunut illersuut taanna Europamut nunarsuullu sinneranut tamarmut isumannaallisaaneq eqqarsaatigalugu paatsiveerutitsiinnassasoq. Taamaaliornerlu siorasaarinertut paasigamikku namminneq aamma qaartartunik Hvideruslandimi aammalu Kaliningrad-imi ikkussilersaarlutik oqaatigaat taamalu aamma timmisartunik sorsuutinik piareersimatitsissallutik.
Polenimi sakkutooqarfiit illersornissarlu pillugu timmisartoqarfiit nutaalianngorsarneqarnissaannut Poleni aningaasanik milliardinik taamannanik piumasaqarportaaq.
