Planetarium nunatsinni atuartitsissutissatut atorsinnaasoq
Canadamiup qallunaap naggueqatitta ulloriarsiortarnerat taaguusersuuteqarnerallu aallaavigalugu atuakkiaa malillugu qallunaap tupermi ulloriarsiorfimmi isiginnaagassatut tulluarsarlugu suliarisivaa, taamaasillunilu inuit ullorianut taaguutaat siullermeerutaasumik Planetariami isiginnaarneqarsinnaanngortillugu. Tupeq qaarujuttoq 3 meterit sinnilaarlugit portutigisoq iserfigalugu taamatut ulloriarsiortitsinissamut ilinniartitsisut pikkorissartut iserfigaagut.
Ane Fleischer tupermiitilluni ima oqarpoq:
-massakkut soorlu uagut atuartitsinitsinni tamakkua siulitta oqaluttuaatitalinngaaniit aallaavillit aamma sammisarpagut kisianni imannak soorlu takussutissartalerlugit peqarnikuunnginnatta aatsaavissuaq peqalernerput alutornartorujussuuvoq.
-Immap sarfaasa ingerlaarneri, nuissat pinngortarneri allanngorartarnerallu aammalu timmissat ingerlaartarneri, inuullu timaani iperaasat, tassa uumassusillit sananeqaataat immini uumassuseqartut, cellet, isiginnaarneqarsinnaapput, aammali atortut ilaat nammineerluni titartaaffigineqarsinnaagami upperisarsiornermi, oqaatsinilluunniit ilinniarnermi aamma qilaasarsuaq toqqip qaarujuttup iluaniittoq atorluarneqarsinnaasoq Inerisaavimmiit Arne Hermann oqaluttuarpoq
Qilaasarsuaq tupeq qaarajuttoq atorneqarsinnaavoq kitaani umiarsuarmik tikinneqarsinnaasumi najugaqaraanni. Piumasaqaataavorli planetaria atussagaanni ilinniartitsisumik pikkorissarsimasumik illoqarfigisami nunaqarfigisamiluunniit peqarnissaq.
Ulloriarpassuit tamaani takugaangatsigit imaluunniit ulloriaqatigiit tamakkua oqaluttuassartaannut tunngasunik tusaraangatta imaluunniit takugaangatta ulloriaqatigiinnik makkua nunani allaninngaaneersut tamakkua oqaluttuaannik aallaavillit tamakkua atorneqakkajupput kisiannili imannak ulloriaqatigiinnik uagut oqaluttuaatittinninngaaniik aallavilinnik taamaattunik takussaasoqannginnami aatsaavissuaq una taamatut takutinneqartoq uagut takuarput.
Naggueqatitta ulloriarsiortarnerat aallaavigalugu atuakkiaq John McDonald-ip allagaa Århusimi katersugaasiviup planetariaani pisortap Ole Knudsenip atuartitsissutaasinnaanngorlugu suliarisimavaa.
