Neriniartarfik ”Royal” Aasianni fabrikkimi ippassaani ammarneqarpoq.
Neriniartarfimmi sulisuupput fabrikimi sulisimasut 50-it missaanniittut, fabrikki oktoberip naanerani matummat suliffissaaruttut.
Suliffissaaruttut taakku nutaanik pisinnaasaqalersinniarlugit, Royal Academyp pikkorissarpai. Ualimut nalunaaqutaq sisamanut aamma ammarneqarpoq ”Pizza Royal”.
”Pizza Royal”-imut sianerluni pizzamik inniminniisoqarsinnaavoq, inniminnigarlu najukkamut aggiunneqassalluni – malugiullu qamuteralammit aggiunneqartassapput!
Pizzaliortuuvoq nalunngilluagarput Ane Sofie Hardenberg, Anso. Pissanganartunik misilittaalluni pizzaliortalersimavoq, ilaatigut akugai tikaagulliup neqaa aserortigaq.
Kingusinnerusukkut nunatta tunniussinnaasaanik allanik aamma takkuttoqarumaarpoq.