Piviusut tunngavigalugit nittarsaasisoqarli!
Takornariat amerlanerusut tikisinniarlugit nunarput maannakkornit erseqqinnerusumik nalinginnaanerusumillu nittarsaannerusariaqartoq, ilisarnaateqarluni nittarsaasinermut ilisimasaqarluartoq, Rasmus Bech Hansen isumaqarpoq.
- Pissutsit piviusut tungavigalugit nittarsaassisoqartariaqarpoq, soorlu pinngoritamut tunngasut, timmisartut kinguaattoortut ilaalu ilanngullugit takornariat takusinnasariaqaraat, Rasmus Bech Hansen oqarpoq.
Pissutsit piviusut tunngavigalugit takutitsinikkut ilisarilertorneqarsinnaanissaq kajuminnarnerulersitsisinnaasoq isumaqarpoq.
Nunattalumi takornariaqartitsivianit taanna isumaqatigineqartoq, pisortaq Julia Paars oqarpoq.
Takornariaqarnermi suleriaatsit nunatsinni allanngortinneqarmata nittarsaassineq periarfissaalissasoq, Julia Paarsip nassuiaatigaa.
Avannaani qeqqanilu kujataanilu takornariartitsiviit pilersinneqareermata pissutsit piviusut tungavigalugit nittarsaasisoqartalissasoq qularinngilaa.
