TV Piviusulersaarutip takuteqqaarnera isiginnaaruk

Innuttaasut aatsitassarsiorniarnernut peqataanerunissaat pillugu oqallinnernut peqataatinneqarnersut sammillugu KNR-TV unnugu aallakaatitsissaaq.

Kalaallit Nunaata qaqqai aatsitassarpassuaqarput. Aningaasarsiutigilluarneqarsinnaapput, aammali nunatsinnut aamma kingunerlutsitserujussuarsinnaallutik.

Allamiut suliffeqarfiit innuttaasut ilarpassuisa tunuarsimaarfigaat aammalu oqallinnermi tusaaneqanngitsutut misigisimallutik.

ICC-p WWF-illu KNR suleqatigalugu innuttaasunik peqataatitsineq pillugu piviusulersaarusiorsimapput. Piviusulersaarullu taanna knr.gl-imi takuneqarsinnaalereerpoq.

Piviusulersaarut uani takuuk "Innuttaasut-sinnerlugit-aatsitassarsiorneq"

KNR TV-mi aallakaatitsiffissat

Piviusulersaarut unnugu marsip nal. 19.30-mit 20.00-imut aallakaatinneqassaaq.

Tamatuma kingorna politikerit oqallissapput
Nal. 20.00-mit 20.30-mut kalaallisut oqallinneq
Nal. 20.30-mit 21.00-imut danskisut oqallinneq

Piviusulersaarutip unnugu aallakaatereernerani Qulaarpaa immikkut KNR-ip aallakaatissavaa, politikerillu isornartorsiuisoqarneranut akissuteqarnissaminnut periarfissinneqarlutik. Naalakkersuisoq akisussaasuusoa, Vittus Qujaukitsoq, innuttaasunik siunissami peqataatitsinissamut pilersaarutini aamma saqqummiutissallugit periarfissaqassaaq.

Isummersuutit


 

Pages