Piumasaqaatigineqartut tamarmik Maniitsumi pigineqarput
Kommuneqarfik Sermersuup KANUKOKA-mit ilaasortaajunnaarnerata kingorna KANUKOKA-p Nuummiit illoqarfimmut allamut nuunneqarnissaannut misissuisussanik suligasuartussanik pilersitsisoqarpoq.
Suligassuartussat innersuussutaat malillugu allafeqarfik Maniitsumiissasoq aalajangerneqartoq KANUKOKA-mi siulittaasoq Palle Jeremiassen oqarpoq.
- Kommunit ataasiakkat sumiisitsisinaanerminnik neqerooruteqarlutik KANUKOKA-p siulersuisuinut nassitsipput, tamannalu tunngavigalugu siulersuisut aalajangerput Maniitsoq toqqarneqassassoq, piumasaqaatigineqartut tamakkerlugit Maniitsumi pigineqarmata, Palle Jeremiassen KNR-imut oqarpoq.
Aamma atuaruk KANUKOKA Maniitsumiissaaq
KANUKOKA-p allafffeqarfiata Maniitsumut nuunneqarnissaanut piumasaqaatigineqartut pigineqarput.
- Piumasaqaatigineqartut tassaapput illoqarfiup tikikkuminaartuunissaa allaffeqarnikkut sulisunillu inissaqartitsinissaq aammalu internetikkut allatigullu attaviit ajunngitsuunissaat piumasarineqarlutik, taamaattumillu Maniitsoq toqqarneqarpoq, Palle Jeremiassen oqarpoq.
Allaffeqarfik qaqugu Maniitsumut nuunneqassanersoq, nuunneqarneratalu kingorna nalinginnaasumik sulineq qaqugu aallartinneqassanersoq, kiisalu sulisut qassit Maniitsumut nuussanersut, KANUKOKA-p siulittaasuata Palle Jeremiassenip oqaatigisinnaanngikkallarpaa.