Pituffimmi savimikut 30 millionit koruuninik nalillit
Saviminikut amerlanersaat 1990-ikkut naalerneraninngaaneersuupput, amerikamiut najugaqarfigisimasaasa amerlanersaat taamani piiarneqarmata, saviminikullu sakkutooqarfiup avataanut pinngortitamut ammaannartumut eqqarneqarlutik.
Taamanili tamanna eqqaavittut atorneqalersimavoq, savimikunilli katerseriarluni eqqaasinnaasumik ukiut marluk matuma siorna pissarsiortoqalerpoq, pissarsisoqarlunilumi.
Saviminikut assigisaasalu nunarsuatsinni akii siorna akitsoriartulermata, sanaartugassanik Danmarkimi suliassinneqartarfik, Aarslev, saliinissamut soqutiginnilluni nalunaarpoq. Aasap ingerlanerani, qaammatit marluk missaat atorlugit, saviminikut katersorneqarput, saviminikullu 15.000 tonsit umiarsuakkoortillugit Danmarkimukartinneqarput.
Ilalu aningaasanik naleqaqaat.
1 millionit dollarsit sinnilaarlugit - tassa 6 millionit koruunit missaat - USA-p naalagaaffianut iluanaarutaapput. Sinneri - 30 millionit koruunit sanaartugassanik Danmarkimi suliassinneqartartup, Aarslevip, iluanaarutigigai, US Navy-p nittartagaani atuarneqarsinnaavoq.