Pituffimmi oqaluttuatoqqat

Pituffimmi sakkutooqarfiup aviisia The Thule Times saqqummeqqammersoq soqutiginartorpassuarnik allaaserisaqartarpoq, soorlu oqaluttuannaanik ilaatigut ilumoortunik.

Soorlu ilumoorpoq sakkutooqarfiup ungasinngisaani tatsimi Crystal Lakep naqqaniipput biili jeeppi kiisalu ajunaarsimasut pingasut. Oqaluttuarineqartarporlumi sakkutuut pingasut biilimik jeepimik sikuliarusussimapput, sikuli aserormat nakkarput, sakkutuullu pingasut ajunaarput. Annaanniarneqarsimagaluarput, biilialli inuttani ilanngullugit nassaarineqanngisaannarput.

Unali ilumuunngilaq.

Pituffimmigooq kusernermik tunillatsittoqarsinaasoq.

Kuserneq illut akornanni kisimi tunillaassuussinnaavoq. Seqineq upernaakkut kissatsikkaangat sanaartukkat amerlanerit kusilertarput, Pituffimmimi illut qaavi amerlanerit manissuupput. Pituffimmiut siunnersorneqartarput kusernerup nalaani pequtitik plastikkinik qallersortaqqullugit.

Pituffimmiissaaq tusatsiarneqartarsimavoq, nannut Pituffimmut takkuttartut tammavillutik tammartarsimasut, taamaanngilarligooq. Navianarorsiortitsileraangatagooq pisarineqartarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat