Pituffimmi kiffartuussinissamut isumaqatigiissummut Olsvig apeqquteqarpoq
Partiip siulittaasuata taassuma pragraf 37 najoqqutaralugu apeqquteqaatimini Naalakkersuisut siuliisa kiffartuussinissamik isumaqatigiissutip suliariumannittussarsiuunneqartarnerani malittarisassat allanngortinneqarsimanerat, Naalakkersuisut ilisimasaqarfigisimaneraat ilaatigut paaserusuppaa. Suliaq pillugu Danmarkimi nunanut allanut tunngasunut ministeeriaqarfiup aamma Namminersorlutik Oqartussat akornanni qanoq ilisimatitseqatigiittoqartarsimanersoq ilaatigut paaserusuppaa.
Pituffimmi sakkutooqarfimmi kiffartuussinissamik isumaqatigiissut - maanna ilimanarsisutut - Amerikamiut suliffeqarfiutaannit Elexis Services A/S-imit isumagineqalerpat - tamanna Naalakkersuisut qanoq kinguneqassangatinneraat, minnerunngitsumik paaserusutaannut ilaavoq.
Kiffartuussinissamik isumaqatigiissutip allanngortinneqarneranut atatillugu Naalakkersuisut siulii maannalu Naalakkersuisunngoqqammersut qisuariaateqarpallaanngillat.
IA-p apeqquteqaataata akinissaanut Kim Kielsen suleqataalu akissuteqarnissaminnut ullunik suliffiusunik qulinik piffissaqarput.
