Pituffik - imaluunniit Thulemi sakkutooqarfik 1965-imi pilersinneqarpoq.Assi: Scanpix

Pituffik pillugu isumaqatigiissut nutaaq: Kiffartuussinissamut isumaqatigiissut millioninik nalilik nunatsinnut utertinneqartoq

Pituffimmi aserfallatsaaliinerup ingerlatseqatigiiffimmit nunatsinneeersumit siunissami suliarineqartarnisssaa qulakkeerlugu nunatta, USA-p Danmarkillu isumaqatigiissutigeqqammerpaat.

Isumaqatigiissut Pituffimmi kiffartuussinissamut isumaqatigiissummut tunngasoq atsiorneqaqqammerpoq. Tamanna USA-p nunatta Danmarkillu qarasaasiat atorlugit ataatsimiinneranni pivoq.

Kiffartuussinissamut isumaqatigiissut maanna atuuttoq amerikamiut ingerlatseqatigiiffiannut isumaqatigiissutaasoq 2024-mi qaangiuttussaavoq. Tamatuma kingorna ingerlatseqatigiiffik nunatsinniittoq kiffartuussinissamut isumaqatigiissuteqarfigineqassaaq.

Ingerlatseqatigiiffiup aqutsisui nunatsinni najugaqartuussapput.

Suliaq pillugu naatsumik

Pituffimmi kiffartussinissamut isumaqatigiissutinut suliaq 2014-imi allartippoq. 

Tassani USA-p isumaqatigiissut amerikamiut pigisaannut ingerlatseqatigiiffimmut tunniuppaa.

Isumaqatigiissut taanna tamatuma siornatigut danskinut kalaallinullu ukiorpassuarni isumaqatigiissutaasarsimavoq. Nunattalu karsianut ukiumut 200 millionit koruuninik iluanaarutaasarsimavoq.

Illersornissamulli isumaqatigiissut naapertorlugu kiffartuussinissamut isumaqatigiissut danskit/kalaallillu ingerlatseqatigiiffiata tigummisussaavaa.

Taamaammat kuungeqarfik naapertorlugu amerikamiut ingerlatseqatigiiffiata 2014-imi isumaqatigiissuteqarfigineqarnera USA-p Kunngeqarfiullu akornanni isumaqatigiissummut akerliuvoq.

Vectrus Services 2024-mut isumaqatigiissuteqarfigineqarpoq. 

Nunanut allanut tunngasunut naalakkersuisoqarfik tusagassiuutinut nalunaarummi taama paasissutissiivoq.

Ilinniartoqarfiusinnaasut akileraarutitigullu isertitat

Tusagassiuutinut nalunaarut naapertorlugu nunatta amerikamiut Pituffimmi sakkutooqarfimmiinnera annerpaamik iluaqutigissagaa isumaqatigiissummik erseqqissaatigineqarpoq. Isumaqatigiissut naapertorlugu tamanna amerlanerusunik ilinniartoqarnissamut, suliffissaqartitsisinnaanermut periarfissanik nunattalu karsianut akileraarutitigut isertitassatigut iluaqutaassalluni.

AAMMA ATUARUK Steen Lynge: Præsidentimut qinersisoqannginnerani Pituffik pillugu isumaqatigiinniarnissaq piviusorsiorpoq

- USA-mut nunat marluk akunneranni ataatsimoortumik pilersaaruteqarnissamik isumaqatigiissuteqarnerput iluarisimaartorujussuuarput. Naalakkersuisunit, Inatsisartunit inuiaallu kalaallit tungaanniit amerikarmiut nunatsinniinnerisa piviusumik, tigussaasumillu iluaqutaanissaa pingaartissimasorujussuuarput, Naalakkersuisut siulittaasuat, Kim Kielsen (S) oqarpoq.

- Nunat marluk akunneranni suleqatigiinnissamut isumaqatigiissut, suliariumannittussarsiuussinissamut piumasaqaatit nutaat, isumaqatigiissuteqarnissamut piumasaqaatit siusinnerusumit pitsaanerusunik piumasaqaateqarluta isumaqatigiissutigalugit naammassivagut.

Greenland Contractorsip isumaqatigiissut annaagaa

Pituffimmi kiffartussinissamut isumaqatigiissutinut suliaq 2014-imi allartippoq. USA-mmi isumaqatigiissut amerikamiut pigisaannut ingerlatseqatigiiffimmut taamani tunniuppaa. Isumaqatigiissut taanna tamatuma siornatigut danskinut kalaallinullu ukiorpassuarni isumaqatigiissutaasarsimavoq.

Amerikamiut ingerlatseqatigiiffiat, Vectrus Services 2014-imi isumaqatigiissuteqarfigineqarpoq. Isumaqatigiissut tamatuma siornatigut nunatta karsianut ukiumut 200 millionit koruuninik iluanaarutaasarsimavoq.

Illersornissamulli isumaqatigiissut naapertorlugu kiffartuussinissamut isumaqatigiissut danskit kalaallillu ingerlatseqatigiiffiata tigummisussaavaa. Danskit kalaallillu ingerlatseqatigiiffiata, Greenland Contractorsip kiffartuussinissamut isumaqatigiissut ukiuni siuliini 46-ni tigummisimavaa.

AAMMA ATUARUK Lynge qaaqqusaaneq pillugu: Pituffimmut kiffartuussinissamut isumaqatigiissut tigussavarput

Taamaammat kuungeqarfik naapertorlugu amerikamiut ingerlatseqatigiiffiata 2014-imi isumaqatigiissuteqarnera USA-p Kunngeqarfiullu akornanni isumaqatigiissummut akerliuvoq. Taamaattumik kiffartuussinissamut isumaqatigiissuteqarnissamut suliariumannittussarsiuussisoqarnissaanut piumasaqaatinik nutaanik taamanili isumaqatigiinniartoqalerpoq: Tassa suliariumannittussarsiuussinermut piumasaqaatini isumaqatigiissutip kalaallit danskillu ingerlatseqatigiiffiannut siunissami tunniunneqarnissaa erseqqissaatigineqassaaq.

Vectrus Services 2024 tikillugu isumaqatigiissuteqarfigineqarpoq.

Pituffimmi kiffartuussinissamut isumaqatigiissummi aserfallatsaaliuineq, sanaartorneq, kantiinamik ingerlatsineq allallu ilaapput.

Tunngaviusumik pingaaruteqartoq

Nunanut allanut tunngasunut naalakkersuisoq, Steen Lynge (D), ima oqarpoq:

- Suliaq tunngaviusumik nunatsinnut isumaqaqaaq, amerikamiummi sakkutooqarfiannik uagut nunamiititsisuuvugut. Pituffiup Kalaallit Nunaatalu Amerikap isumannaatsuunissaanut qitiusumik inissisimasutut akuerineqarnerat tulluusimaarutigaarput.

Danskit nunanut allanut tunngasunut ministeriat, Jeppe Kofod qarasaasiatigut ataatsimiinnermi isumaqatigiissuteqarluni atsioqatigiinnermi aamma peqataavoq: 

- Suliariumannittussarsiornermi piumasaqaataasussat nutaat isumaqatigiissutigineqarneri iluarisimaaqaara. Isertorneqarsinnaanngilarlu aqqut takisimallunilu ajornakusoorsimasoq, tulluusimaarutigalugulu nuannaartutigaara angusarissatta, Kalaallit Nunaannut kalaallillu suliffeqarfiinut iluaqutaassammat.

AAMMA ATUARUK Danskit ministeriat: USA Pituffik pillugu isumaqatigiissut suliariumannittussarsiuukkusuppaa

Qarasaasiatigut ullumi ataatsimiinnermi amerikamiuniit nunap sillimaniarnermut siunnersortaa, Robert C. O’Brien aamma Danmarkimi amerikamiut aallartitaat, Carla Sands peqataapput.

Nunatsinnit Kim Kielsen aamma Steen Lynge peqataapput, Danmarkimiillu nunanut allanut tunngasunut ministeri, Jeppe Kofod peqataalluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat