Pituffik pillugu aaqqiissuteqarallartoqassanngitsoq

Pituffimmi kiffartuussinissamik isumaqatigiissut pillugu USA-mut isumaqatigiissuteqartoqarnissaanut qanittumi aaqqiisoqarsinnaanngitsoq, danskit nunanut allanut tunngasunut ministeriat allakkami akissuteqarpoq. Taamaalilluni ukiut arfinilissaat aaqqiagiinngissuteqartoqalerpoq.

AAMMA ATUARUK Kunngeqarfiup USA-mut ataatsimeeqatiginnittarnertik aallarteqqikkaa

Folketingimi ilaasortap, Aaja Chemnitz Larsenip apeqquteqaataanut Anders Samuelsen akissuteqarluni ilaatigut allappoq:

-  Suliaq inatsisitigut politikkikkullu naammassiunaappoq taamaattumik siunissami qaninnermi aaqqiissuteqartoqarsinnaanngilaq, Anders Samuelsen taama akissuteqarpoq.

Pituffimmi suliariumannittussarsiuussineq pillugu aqqiagiinngissuteqarneq 2014-imi aallartippoq. USA-p suliariumannittussarsiuussinermi amerikamiut suliffeqarfiat, Vectrus A/S toqqarpaa, naak kunngeqarfimmut Danmarkimut illersornissaq pillugu isumaqatigiissuteqareeraluartoq.

Isumaqatigiissummi naapertorlugu suliffeqarfiit naalagaaffeqatigiinneersut kisimik suliaqarsinnaasutut isumaqatigiissutaagaluarpoq.

Pisulli ingerlanerani nunatsini Naalakkersuisut danskillu naalakkersuisui nikerarsimapput, USA-mullu suli maannamut aaqqiagiinngissuteqartoqarluni.

AAMMA ATUARUK Pituffimmut tunngatillugu aaqqissuussinerit USA-p akueriumanngisai

Pituffik pillugu siunissami isumaqatigiissusiornissamut atatillugu Nunatta Danmarkillu siunnersuutaat USA-p marloriarlugu itigartissimagai ukiormanna februarimi saqqummiunneqarpoq

Pituffik Kalaallit Nunaata annerpaamik iluaqutigissagaa, Danskit naalakkersuisuisa aalajangiusimavaat.