Pitsi Høegh (S)

Pitsi Høegh 51-inik ukiulik, Alluitsup paani peroriartortoq maanna Qaqortumi najugalik. Sisamanik qitornaqarpoq ataatsimillu ernutaqarluni.Taanna allaffissornikkut EVU-milu ilinniagaqarnikuuvoq. Takornariartitsivimmi Greenland Sagalandsimi pisortaallunilu piginnittuuvoq, ukiullu kingulliit Niuernermik Ilinniarfimmi ilinniartitsisuusarpoq takornariaqarnermilu pikkorissaanerit ingerlattarlugit.
Allattoq Malu Pedersen
juunip 05-at 2015 16:39

Royal Greenlandip siulersuisuini ilaasortaasimavoq Inatsisartunilu sinniisussatut qinigaangami tunuarluni.

Ukioq kingulleq siullerpaamik Inatsisartunut Siumut tunuliaqutaralugu qinigassanngortippoq, ullumikkullu sinniisussatut siullertut inissisimavoq.

Politikkikkut suliniutiginiakkat:

  • Nunarput nammineq tunngaviusunik inatsiseqassaaq, uagut nammineq inooriaaserput oqaatsigut pingaartitagullu aallaavigalugit
  • Naalagaaffeqatigiinnerup isumaa atuutissappat oqaasissaqaqataaffigut uagutsinnit akuuffigineqartariaqarput 
  • Inuussutissarsiutitigut siuarsaanermi aningaasaateqarfik/ vækstfonden nunatsinni aamma ammaanneqartariaqarpoq.
  • Alapernaarsuutini ilinniartuunermit sulisuunissamut periarfissat ammasut annertusarneqartariaqarput

Pitsi Høeghip Facebookikkut nittartagaa takuuk.

Siumup folketingimut sulinissamut anguniagaat uani atuakkit.

Pitsi Høeghip qineqqusaarutaa uani aamma takuuk.