Assi: KNR

Finn Meinel: Pitsanngoriarfissaqarpoq

Nunatsinni illersuisartut amerlasuut inatsisilerituutut iliniarsimasuunngillat, taakkuualu aqqutissiuussaapput siunnersugassaallutillu.

Pitsanngoriarfissaqarpoq. Nunatsinni illersuisuuninngortoq, apriilip aallaqqaataani atorfinittussaq taama oqarpoq.

Maannali illersuisuunertaarnitsinni eqqartuussinikkut isumannaatsumik ingerlasinnaanngussasugut, illersuisuuneq isumaqarpoq.

 - Pitsanngoriarfissaqarpoq, tamannalu siusinnerusukkut pisinnaagaluarpoq, nunatsinni illersuisuuninngortoq Finn Meinel oqarpoq.

AAMMA ATUARUK Kalaallit Nunaat siullerpaamik illersuisuunertaarpoq

Ukiut arfineq-marluk qaangiutillartullu

Illersuisuuneqalernissaa, eqqartuussiveqarnermut taamani isumalioqatigiissitaasup 2004-mili, eqqartuussisoqarfimmi suleriaatsip pillugit aamma pinerluttulerinermi inatsisissani suliaqarnerminni siunnersuutigaat.

Kisianni atorfik Inatsiseqarnermut ministereqarfiup ukiarmi aatsaat inuttassarsiorpaa.
Illersuisuunerup illersuisut inatsisilerituutut ilinniarsimanngitsut aqutissiuullugillu, siunnersorlugillu nakkutigisarissavai.

Atorfillu Meinelip amigaataasimanerarpaa. 

 - Atorfik inuttalerneqarsimanngimmat, illersuisut akuerisaasut aqqutissiuuneqarnissaat siunnersorneqarnissaallu amigaatitaqarsimavoq. Taamaammat illersuisuuneqalernera nukittorsaataavoq, Finn Meinelip eqqartuussiveqarnermi akuusut assigiinngitsut eqqartuusuvinni illersugassat inatsisitigut isumannaatsumik pineqarnissaat qanoq qulakkeertarneraat paasiniaqqaarniarpaa. Ilaatigut illersuisooqatigiit oqaloqatiginerisigut.

  - Illersuisut suliaannik qaffatsiteqataasinnaallunga neriuppunga, Finn Meinel KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat