Pitsanngoriaatit takujuminaatsippaat

Kommunit kattussuunnerat Qaasuitsup Kommuniani innuttaasut atugaannik ajornerulersitsivoq. Taama oqarpoq Anine Mørch Upernavimmi najugalik. Taassuma inuuniarnikkut atugarisai kommunit kattussuunnerisa kingorna oqimaannerulersimapput.
marsip 08-at 2011 14:53

Qaasuitsup Kommuneqalernera Anine Mørchimut ilaqutaanullu inuuniarnikkut atukkatigut oqimaannerulersitsivoq. Tassami Anine Mørchip suliffigisimasaani sipaarniartoqalermat suliunnaarsitaavoq:

- Taavalu uagutsinnut ilaqutariinnut akiligassatigut kinguaattoorujussuarfiuvoq, Anine Mørch oqarpoq.

Anine Mørch suliffeqannginnermini uiminit sulisartuusumit pilersorneqarpoq, uialu isertitaqarmat kommunimit ikiorneqarsinnaasimanngillat. Suliffeerunnerminiillu ukiup aappassaa ingerlasoq aatsaat suliffissarseqqippoq, maannalu sapaatip akunneranut 30 tiimit sulisarpoq, qaammammut 6000 koruunit aningaasarsiarisarlugit:

- Qaasuitsup Kommuninngoratta inuttut atukkagut oqimaallerujussuarput, Upernavik Kommuniugallarmat taamarsuaq uanga misigisaqarnikuunngilaq,

Anine Mørch oqarpoq.

Anine Mørchip inuuniarmerminni atukkamikkut artornartorsiornerulersimanertik pissutigalugu, politikerit isummersortut isumaqatigalugit Qaasuitsup Kommuniata avinneqarsinnaanera orniginartinnerugaluarpaa:

- Siunnersuutigineqartaraluarpoq Qaasuitsup Kommunerujussuata avinneqarnissaa. Tassa taanna aappaatigut pilerinaraluarpoq paasinnilluarsinnaagaluarunik, Anine Mørch oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq