Pisuussutinik uumaatsunik atuinissaq ICC-mit tikilluaqquneqarpoq
Issittumi pisuussutinik Inuit Nunaanni iluaquteqarneq pillugu Inuit tunngaviusumik najoqqutassatut Nalunaarutaat, ICC-p Nuummi siorna ataatsimeersuarnerani suliakkiutaasoq, sivisuumik suliarineqarsimavoq.
Nalunarummi ilaatigut oqaatigineqarpoq, naak aamma inuit aningaasarsiornikkut ineriartornerannut iluaqutaasinnaagaluartoq, pisuussutinik uumaatsunik atuineq eqqarsaatigalugu oqimaaqatigiissaarinissaq pingaartuusoq:
- Siunissaq ungasinnerusoq isigalugu aningaasarsiornermut assigiinngiiaartunillu inuussutissarsiuteqalernissamut iluaqutaasinnaappat, pisuussutinik atuinissaq inuit kissaatigaat. Illuanilli avatangiisit ajoquserneqarnissaat avataanersunillu amerlavallaanik suliartortoqarnissaa pinaveersimatinneqartariaqartoq, nalunaarummi allapput.
ICC-p Nunatsinni immikkoortortaani siulittasoq Carl Christian Olsen Radioaviisimut ataasinngormat oqarpoq, suliffissuaqarnikkut ineriartorneq aallartikkaangat, avatangiisit inuillu puigorneqartartut.
Tassalu tamannarpiaavoq Issuittumi nunat ataatsimoortumik nalunaarusiulerunik eqqaamassagaat, ICC-ip piumasarisaa.