Pisut atorluarniarsigik
Aviisi Nyhedsavisen naapertorlugu taassuma siunnersuutigaa Tunumi kuuit sermersuarmeersut atorluarlugit erngup nukiliorfiliortoqaqqullugu.
- Taamaaliornikkut aningaasat aamma CO2-mik aniatitat sipaarneqarsinnaagaluarput, tassami erngup nukissiorfiliornikkut gassit silaannarmik kiatsikkiartortitsisut minnerulersinnaammata, ilisimatusartoq Sebastian Mernild University of Alaska Fairbanks-imeersoq oqarpoq. Taassuma ilaatigut Nunatta sermersuata oqaatigineqartarneranit sukkanerusumik aakkiartornera naatsorsorsimavaa.
Isumassarsiaq sianiilliornerunngitsoq, nukissiuutinik pilersaarusiornermi ilisimatooq Aalborg Universitetimeersoq Henrik Lund isumaqarpoq. Kisianni taamaaliorniaraanni pisariaqarpoq innaallagissamik pilersinneqartumik atuisoqarnissaa – soorlu suliffissuaqarfeqarnissaa.
Sebastian Mernild oqarpoq, nunat soorlu Norge, Sverige, Østrig aamma Schweiz maanna sermip aakkiartornera nukimmik pilersitsiniarnermi atorluareeraat.
