Pissutsit najummassimanartorsiorput
Tuluit aningaasaataasa uninngaannarnissaat qulakkeerniarlugu netbankip Islandimit pigineqartup, Kaupthing Edgep, nakkutigilernissaanut peqqarniisaarniartartunut akuiniaqatigiit pillugit inatsisit Tuluit Nunaannit atorneqarmata Islandip Tuluit Nunaatalu akornanni pissutsit najummassimanarsiartorput.
Allattoq Louise M. Kleemann
Islandimi ministeriuneq, Geir Haarde, ilisimatitsivoq, Tuluit Nunaat naammagittaalliorfigereerini.
- Peqqarniisaarniartunut akiuiniaqatigiit pillugit inatsisinik tuluit atuimmata oqaatsinik sakkortusaarfigaakka. Tamanna inussiarnisaarnerunngitsutut nalilerparput, tusagassiortunik ippassaq katersortitsinermi Haarde oqarpoq.
Tuluit aningaaserivinni kontoi Islandimi oqartussaasut matuniarmatigik, tuluit ministeriunerata, Gordon Brownip, sakkortuumik isornartorsiorpai.