Pissutsit Herstedvesterimiittut misissoqquaat
Danmarkimi Pinerluuteqarsimasunik Nakkutilliisoqarfik, Naalagaaffiup Inatsisilerituuanut, Kameradvokatimut, saaffiginnissimavoq Herstedvesterimi pineqaatissinneqarsimasunut paarnaarussivimmi, kalaallit pinerlussimasut arlallit inissisimaneqarfianni, pissutsit misissorneqaqqullugit. Misissuinermi sulisut atorfimminnik atornerluisimanerat qulaajarneqaqquneqarput.
Piffissami kingullermi sivisujaami paarnaarussivimmi malunnaatilimmik ajornartorsiortoqarsimavoq. Pisimasut kingulliit ilagaat paarnaarussivimmi pisortap soraarsimanera, sulisullu qaffasinnerusumik atorfillit sunniuteqarnerluttut ajornartorsiutigalugit soraartarsimanerat.
Ajornartorsiutit sorpiaanersut ulloq manna tikillugu erseqqissumik oqaatigineqarneq ajormata Pinerluuteqarsimasunik Nakkutilliisoqarfimmiit isumannaallisaanissaminut periusissatik nalornissutigisamavaat.
- Nalunngilarput sulisut 99 procentiisa suliassatik malittarisassat malillugit suliarisaraat, sulisunuku ilamininnguisa suleriaasaat ajornartorsiutaasoq. Qanorpiaq aaqqiissuteqarniassanerluta paasiniarlugu sorpiaat ajornartorsiutaanersut paasisariaqarpagut, taamaammat Naalagaaffiup Inatsisilerituua, Kammeradvokati, ikiortiseraarput, Pinerluuteqarsimasunik Nakkutilliisoqarfiup qullersaqarfiani pisortaq, William Rentzmann oqarpoq.
- Neriuutigaarput sulisut sulilluartut paasissutissanik uppernarsaatinillu tunissagaatigut ajornartorsiutit aaqqiiviginiassagatsigit, William Rentzmann oqarpoq.
Naalagaaffiup Inatsisilerituuata misissuinini qaammatit pingasut ingerlanerini naammassissagaa ilimagineqarpoq.
Pinerluuteqarsimasunik Nakkutilliiisoqarfiup sulisut atorfimminnik atornerluiniartartut akiorniarlugit ukiut arlallit sulissuteqarsimagaluarput, tamannali suli iluatsivissimanngilaq.
