Pissittartoq naalinneqartoq

juulip 14-at 2007 13:10

Timersortartut Rom-imi atletikerlutik unammersuarneranni pissittartoq ajutoorpoq, naaligarluni unammisut ilaata eqqormani. Tamanna pillugu Danmarkip Radioa tusarliussaqarpoq.

Naaligarluni unammisartoq Finlandimiu Tero Pitkämäki orlulluni saamiup tungaanut naalimmat franskeq pissittartoq Salim Sdiri kissassileruttortoq eqqorpaa.

Pisoq Rom-ip unammisarfissuani olympiske stadionimi pivoq, atletikkimik nunarsuarmi pitsaanerit unammersualeruttorneranni.

Franskeq eqqorneqartoq inuunerminik navianartorsiorunnaareertoq nalunaarutigineqarpoq, pineqartoq najungasumigut tingummilu aappaatigut ajoqusersimavoq.

Naaligartartoq Pitkämäki tupassimaqaaq, ajornerusimannginnamili tullinnguukkami unammeqataanini naammassisinnaasimavaa.