Pissartat ilasseqatigineqassapput
Ukiormanna timersornikkut pissartanngorsimasut tamarmik ilasseqatigiinnermut Kommuneqarfik Sermersuup aaqqissugaanut qaaqquneqarput.
Allattoq Louise M. Kleemann
Kommunimi pissartanngorsimasut tamarmik, meeqqat, inuusuttut inersimasullu ilasseqatigiinnermut qaaqquneqartut Kommuneqarfik Sermersuup nittartagaani allaaserineqarpoq.
Ilasseqatigiinnermi maajip 31-ani pisussami peqataasut tassaassapput isikkamik arsarnermi, assammik arsarnermi, sulorarnermi, volleyballimi, taekwondomi, ujakkaarnermi sangusaarnerlu pissartat.
Borgmesteri Asii Chemnitz Narup, Mille Søvndahl Pedersen ingerlatsisorlu Jørgen M. Benjaminsen ilasseqatigiinnermi oqalugiassapput.
NAIP-kkut kalattoortartui ulloq taanna takutitsissapput Anda Uldumilu nipilersortartoqataalu appisimaassallutik.