Pissartat ikinnerpaamik 220-upput

Timersortartut Nuummeersut ikinnerpaamik 220-it ukioq 2011 Nunatsinni pissartanngorsimasut, Kommuneqarfik Sermersuup ilisimatitsissutigaa. Imaaraataannaavorooq aamma pissartanngortut ilaat kommunemut nalunaarutigineqarsimanngitsut.

Nuummi timersortartut ulluat Kunngit pingasut ulluani januaarip arfernat nalliussineqarpoq Nuummi illorsuarmi timersortarfimmi ingerlanneqartumi.

Nersornaatit arfinillit tunniunneqarput taakkulu ataqqinarnersaat tassalu Timersullammak arsaattartumut tunniunneqarpoq.

2011-mi Timersullammanngortoq tassaavoq NÛKp arsaattartuini kinguarsimasuullammak Tobiasine Abelsen. Taanna arsaattartuuvoq sungiusaasumit tamatigut naatsorsuutigineqarsinnaajuaannartoq.

Arnat 2007-mi nunanut allanut unammisartoqalermatali tamatigut peqataajuartuuvoq.

Nersornaatinik tunineqartut tassaapput:
Sungiusaallammak: Kim Jensen, Nuuk Shotokan Karate Do
Siulersuillammak: John Thorsen, NÛKp arsaattartui
Neriunaatilik: Thomas Madsen, B-67ip sulorartartui
Timersoqatigiiffiulluartoq: Nuuk Shotokan Karate Do
Kajumissaat: John Kreutzmann, B-67-ip arsaattartui
Timersullammak: Tobiasine Abelsen, NÛK