Pissartat ajugaaqqipput

17-nik ukiulik Sara Lindskov Jakobsen ukioqatigiinni assiinngitusni pingasuni unammeqataavoq kredsmesterskab Nuummi ingerlanneqarmat. U-17-ni arnat angutillu akuleriillutik iligiiaarneranni peqataavoq unamminertaqanngitsunik ilinilu Hans Brummerstedt ajugaallutik. Aamma U-19-ni taamatut peqataapput, arnallu inersimasut ataasiakkaarneranni Sara Lindskov Jakobsen ajugaavoq Paninnguaq Davidsen sølvinnattoq.

B-67-imeersulli arlallit nualluummiit eqqorneqarmata unamminerit iligimaginngisamik allanngoriasaarput. Arnat iligiiaarneranni Sara Lindskovip ilia Rina Møller Lorentzen nuallulermat allamik ilissarsiortariaqalerpoq. Aamma arnat ataasiakkaarneranni Rina Møller Lorentzen uniinnarpoq napparsimanini pissutigalugu.

Arnat iligiiaarneranni Paninnguaq Davidsen aamma Sandra Bro B-67-meersut ajugaapput Kamilla Bjørnskov aamma Naujalisa Egede sølvinnattut.

Mininnguaq Kleist aamma Kamilla Bjørnskov arnat angutillu akuleriillutik iligiiaarneranni ajugaapput Paninnguaq Davidsen aamma Sequssuna Fleischer Schmidt sølvinnattut.

Angutit ataasiakkaarneranni siorna nunatsinni pissartanngortoq Frederik Elsner Nuummi kredsmesterinngorpoq finalemi Tonny Fisker 21-9, 21-14-mik ajugaaffigalugu.

Linki ataaniittoq toorlugu angusat tamakkiisut takusinnaavatit.