Angutit pissartanngorniunnissaat Ilulissani sapaatit akunneranni 33-imi tassa aggustip qulinganit pisussatut, arnallu Nuummi sapaatit akunneranni 34-imi pilersaarutaangaluarpoq.Assi: Malik Brøns, KNR

Pissartanngorniuuttoqassava? Tamanna ilisimaneqanngilaq - holdilli arfineq-pingasut piareerput

Namminersorlutik Oqartussat katersorsinnaanermut maleruaqqusaasa pissartanngorniuunnissat unitseqqagallarpai.

Nunatsinni isikkammik arsaannermi pissartanngorniuuttoqassanersoq suli nalorninarpoq. 

Kalaallit Arsaattartut Kattuffiat, KAK Facebookimi quppernermini allappoq.

Angutit pissartanngorniunnissaat Ilulissani sapaatit akunneranni 33-imi tassa aggustip qulinganit pisussatut, arnallu Nuummi sapaatit akunneranni 34-imi pilersaarutaangaluarpoq.

Katersorsinnaanermulli maleruaqqusat Namminersorlutik Oqartussat juulip ulluisa 16-ianni saqqummiussaat aallaavigalugit taamaallaat komuunikkaartumik pissartanngorniuttoqarsinnaavoq, nalunaarullu taanna decemberip ulluisa 31-ata tungaanut atuutissaaq.

Taamaattumik pissartanngorniunnissat pilersaarutit malillugit aggustimi ingerlanneqanngitsoorsinnaasut, KAK allappoq.

Angutit kommunekkaartumik Kommuneqarfik Sermersooq kisiat pinnagu sapaatit akunnerata siuliani pissartanngorniuupput.

AAMMA ATUARUK Arsaannermi GM-mi inissat imatut agguataarpaat

Angutini iligiit uku pissartanngorniuunissamut annguttuupput:

N-48 Ilulissanit, aaqqissuisoralugu.

FC Malamuk Uummannamit.

G-44 Qeqertarsuarmit.

FC Aqisseq Kangaatsiamit.

Aqissiaq Maniitsumit.

B-67 aamma IT-79 Nuummiit.

Eqaluk-54 Kujataani Tasiusamit..

 

KAK-p Namminersorlutik Oqartussat isumaqatigiinniarfigileruttorpai, pissartanngorniunnissat ingerlanneqarsinnaanerannut aaqqissuutissamik ujartuillutik. Siulersuisut ulluni qaninnermi nalunaaruteqarnissartik neriuutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat