Pissartanngorniuttunut peqataalersut
Nunatta assammik arsarlutik nunanut allanut unammisartuisa januaarip naajartulernerani Tysklandimi Wetzlarimi nunarsuarmi pissartanngorniunnissamut peqataassapput, arsartussallu maannamut toqqagaagallartut 16-it aqqi sungiusaasumit Jakob Andreasenimit saqqummiunneqarput.
Nunarsuarmi pissartanngorniunnerit aappaagu januaarip 19-ianiit februaarip ulluisa sisamaata tungaanut ingerlassapput, nunattalu nunanut allanut unammisartuisa unammisassaat tassaapput Slovenia, Tunisia kiisalu Kuwait-i.
Unammiat ukioqqortussutsimikkut assigiinngisitaartorujussuupput.
Niels Davidsen, Nagdlunnguameersoq, angajullersaalluni 43-nik ukioqarpoq, playmakeritullu unammeqataasartoq Miki A. Heilmann, GSS-imeersoq, nukarlersaalluni 17-inik ukioqarpoq. Taanna nunarsuarmi pissartanngorniunnerit naariitsiartut 18-iliissaaq.
Unamminerit siulliit naammassippata Kalaallit Nunaat ajugaassagaluaruni pissartanngorniunnerni ingerlaqqissaaq, ingerlaqqinngitsuussagaluarunilu unammersuarnermut allamut, tassa President Cup-imik taaguuteqartumut anngutissagamik.
Arsartatut 16-it pissartanngorniunnissanut peqataasussat:
- Niels Davidsen, Målmand, Nagdlunnguaq
- Ole Christian Fritsen, Målmand, Viborg HK
- Ulrik Winther-Hansen, Målmand, Heimdal
- Andreas Lorentzen, Venstre Fløj, Silkeborg-Voel
- Milo Rosing, Venstre Fløj, Silkeborg-Voel
- Minik Dahl-Høegh, Venstre Back, Silkeborg-Voel
- Angutimmarik Kreutzmann, Venstre Back, Silkeborg-Voel
- Rasmus Larsen, Streg, Odense HF
- Anders Neuhaus, Streg, Vejle-Bredballe HK
- Hans Peter Motzfeldt, Højre Back, Trelleborg
- Aqqaluk Sørensen, Højre Back, Silkeborg-Voel
- Johannes Groth, Højre Fløj, Silkeborg-Voel
- Ulrik Berthelsen, Højre Fløj
- Jakob Larsen, Playmaker, GOG-Svendborg
- Eqalunnguaq Kristiansen, Playmaker, GOG-Svendborg
- Miki A. Heilmann, Playmaker, GSS
Reserver:
- Frank Lundblad, Målmand, K-1933
- Ilannguaq Johansen, Målmand, SAK
- Kasper Thorleifsen, Venstre Back, Nagdlunnguaq
- Alex Nørskov, Streg, K-1933
