Pissartanngorniutivinnissamut suli anngunniupput
aggustip 30-at 2005 11:56
Nunatsinni isikkamik arsarluni pissartanngorniunnermi ukioq manna bronzenanniuttut naammassilivipput.
Uummannami unammisoqarpoq. Malamuk Uummannameersut G44-lu Qeqertarsuarmeersut unammipput.
Nalunaaqutaq pingasunut (15.00) pissartanngorniutivinneq ingerlanneqassaaq. B67 Nuummeersoq N48-lu Ilulissaneersoq unammissapput.
Unamminerit tamarmik toqqaannartumk KNR Radiokkut aallakaatinneqassapput.
Bronzennanniuttut nalunaaqutaq ataatsimut taamaatissapput.