Pissartanngorniunnernut anngunniutileqaat

maajip 18-at 2006 10:51

Angutit assammik arsarlutik Amerikap nunavittaani unammersuarnissaanni unamminerni ingerlaqqinniunnerni unammisussat ullumi makitsissutigineqarput.

Kalaallit Nunaata Brasilia, Chile aamma Uruguay puljeqatigissavai.

Puljep aappaani Argentina, USA, Mexico aamma Puerto Rico unammeqattaassapput.

Tysklandimi aappaagu januaarimi nunarsuarmi pissartanngorniunnissamut puljeni normu 1-inngortut toqqaannartumik anngutissapput, ajugaassangatinneqartullu tassaapput Brasilia aamma Argentina.

Nuna tamakkerlugu sungiusaasumit oqaatigineqarpoq, Kalaallit Nunaat puljemini normu 2-nngorniartariaqassasoq, taamaalinikkut puljep aappaanni normu 2-nngortoq unammillugu unammersuarnermi 3-nngorniutissammata. Normu 3-nngortoq nunarsuarmi pissartanngorniunnissamut aamma anngutissaaq.

Amerikap nunavittaani assammik arsarluni unammersuarnerit Brasiliami Aracajumi ukioq manna juunip arfernanit qulingata tungaanut ingerlanneqassapput.