Pissartanngorniunnerit ullumi aallartissapput
Arnani pissartanngorniunneq nalunaaqutaq tallimanut aallartippat Nuummiut assammik arsaattartut, tassaasut GSS aamma Team Nuuk, imminnut unammissapput.
GSS-ip arnartai angutitaalu ukiorpaalunngortuni pissartaasartut, matumani pissartanngorniunnerni suli ajugaaffigineqanngimmata ingerlalluaqaat.
GSS-ip angutitai taamaasillutik finalimut aamma ingerlaqqipput.
Taakku Aasianneersut Norsaq HC-mi unammisartut, siornalu bronzinnattut, unnugu nalunaaqutaq 18.30 unammissavaat.
Arnat bronzinnanniunnerat nalunaaqutaq marlunut aallartippat, Sisimiuneersut SAK Nuummeersullu NÛK unammissapput.
NÛK-p angutitai Ilulissaneersullu Nagdlùnguaq bronzennanniunnermi nalunaaqutaq 15.30 unammissapput.
Pissartanngorniunnerit KNR-TV- kkut toqqaannartumik aallakaatinneqassapput.